بحـث
 
 

نتائج البحث
 


Rechercher بحث متقدم


المواضيع الأخيرة
» صواعق متفجرة ، الرمانات
أمس في 10:40 am من طرف fgr

» صواعق منقول
الأحد يناير 15, 2017 1:04 am من طرف أبو صهيب النجدي

» صواعق ا
الجمعة يناير 13, 2017 11:10 pm من طرف fgr

» صواعق
الجمعة يناير 13, 2017 10:51 pm من طرف fgr

» دعاء الاسلام
الجمعة يناير 13, 2017 2:55 am من طرف fgr

» العبوة الخارقة
الثلاثاء يناير 10, 2017 11:50 am من طرف fgr

» استغفار
الإثنين يناير 09, 2017 2:40 pm من طرف fgr

» دعاء الاسلام
الجمعة يناير 06, 2017 10:32 pm من طرف fgr

» دعاء الاسلام
الجمعة يناير 06, 2017 10:31 pm من طرف fgr

يناير 2017
الإثنينالثلاثاءالأربعاءالخميسالجمعةالسبتالأحد
      1
2345678
9101112131415
16171819202122
23242526272829
3031     

اليومية اليومية

التبادل الاعلاني

طريقة إعادة ملء الخرطوش الفارغ

إرسال موضوع جديد   إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

طريقة إعادة ملء الخرطوش الفارغ

مُساهمة من طرف fgr في الجمعة سبتمبر 27, 2013 12:17 am

بسم الله الرحمن الرحيم
السلام عليكم ورحمة الله
إخواني الأعزاء اليوم جايبلكم طريقة إعادة ملء الخرطوش الفارغ الذي تم استعماله لعتاد الكسرية الطشاري (الشوزن)
والي يسموه باللهجة البغدادية عتاد (شداده)
طبعا من قديم الزمان والناس مو بس بالعراق بكل العالم يعيدون تصنيع الفشك الفارغ طبعا الأغنياء والمترفين يستخدمون أفضل أنواع العتاد وأجوده و لكن اكو ناس ومن حتى المترفين والطبقة الراقية كما كانوا يسمون في القرون الوسطى يستخدمون طريقة إعادة التعبئة يعني كل واحد يشد عتاده بأيده لان محد يحب يرمي بعتاد ميعرف من شنو متكون وكانوا كل شخص أيغير خلطة البارود حسب خبرته وكذلك محتويات الخرطوش ككل
و استمرت هاي الهواية المقترنة باستخدام البنادق الشوزن حتى يومنا هذا يعني لحد الآن اكو ناس ميعجبة يرمي ويصيد إذا مو هوة شاد العتاد بأيده (شداده) بعضهم يعلل السب و يكول (الشي التعرفة أحسن من الي متعرفة ، والثاني يكول يابة الكرخانة اكسباير هذا شدادة بارودة فريش ،والثالث ايكول هذا اني مسوي وقاري عليه ايات وتعاويذ بي بركة ،الخ ...........) وكل واحد يعلل بسبب مقتنع بيه ولكن السبب الأول والاهم هوة الهواية إضافة إلا انه يمكن أن يكون ارخص ثمنا من العتاد الجديد (الكرخانة )
أخوكم اليوم راح أيعلمكم على طريقة إعادة التصنيع (الشد ) وراح أطلعكم على أسرارهة وخفاياها
هذه العملية خطرة جدا يعني الغشيم والي ميلتزم بقواعدهة ويحب يبدع من نفسه ويحب يبتكر هوة يتحمل نتيجة عمله ممكن تصيب وممكن أتخيب وممكن إينام بالمستشفى لا سامح الله
العملية بسيطة بس واحد يلزمك الدرب و انته تندل ميرادلهة روحة للقاضي ميرادلة غير كم حاجة أجيبهن من السوك وتكعد بالبيت تشتغل على كيفك وبدون توتر
طبعا تسلسل العمل غير خطر ومراح أصير حوادث اطمئن لان ما ممكن العتاد يثور أثناء التجميع و هاي الحالة مصايرة أبدا يعني امن و اشتغل بأعصاب باردة حتى يطلع فد شي مرتب
نبدي المواد المطلوبة والمستخدمة
1 – خراطيش فارغة او مستعملة سابقا او تلفانه اكسباير نعيد استخدامهة ( قوان ، فشك ،بلوط ، الخ .....)تسميات مختلفة

2- كاس فارغ ( وقطع كارتون مضغوط )


3 – كبسول جديد ( صاعق الاشتعال)


4 – صجم حسب الحجم المرغوب والمتوفر بالسوق

5 – بارود او ما يسمى بملح البارود

الأدوات المستخدمة في العملية
1 – ميزان الكتروني حساس (الي بالصورة سعرة 30 الف واكو بسعر 10 الاف يباع في مدخل سوق الصفافير)

2 – منكنة (ملزمة ، كابسة ) تباع في باب الشرجي بسعر 10 - 15 الف دينار حسب النوع كما موضح في الصورة رقم واحد


3 – فخة لاستخراج الكؤوس القديمة و تفصيخ العتاد القديم ( الاكسباير ،او داكس او لايحتة رطوبة ) كما في الصورة السابقة
4 – بوشة مركبة بخشبة هاي نستخدمهة للخراطيش الي فتحتهة مرعبلة ومنكدر نكبسهة بالمنكنة (الملزمة ) مبينة بالصورة أعلاه مؤشرة برقم 2
[bigimg]http://alghzil.com/kleeja/do.php?imgf=alghzil131903278212.jpg[/bigimg]
5- مطرقة ( جاكوج )
6 – درنفيس ( مفك )
طريقة العمل
1 - نخرج الكبسولة بواسطة الدرنفيس (المفك) من الظرف الفارغ
2 - نضع الكبسولة الجديدة وندفعها بواسطة ضغط الظرف على قطعة خشب أو ما شابه (لا تخاف ما راح اطك )
3 – نخلي ماعون شاي فارغ فوق الميزان الحساس ونصفر و نوزن بي بارود ( 1.8 ) غرام بارود (+-0.3 )بالعشرة غرام يعني الاجمالي مابين اغرامين الى اغرام وسبعة بالعشرة

او ناخذ ظرف فارغ لبندقية (أي كي 47) او الكلاشنكوف العادية ونملئها بالبارود ، الى مستوى رقبه الضرف الفارغة (طريقة كمية يستخدمها الشياب )
نخلي البارود في الظرف الفارغ
4 – نخلي قطعت كارتون مضغوط في قلب الظرف فوق البارود ونضغط عليه بأيدينه حتى ينكبس (لتخاف ما راح يطك)
5 – نخلي الكاس الفارغ (عاد انتة بكيفك اكو ناس تستخدم الكاس وهوة الافضل للمحافضة على زخم الاطلاقة ونضافة البندقية واكو ناس متستعملة )
6 – نخلي الصجم (اذا مستخدمين كاس نملي الكاس بالصجم الى نهاية الكاس)
(واذا مخلينة كاس نملي الخرطوش صجم الى قبل النهاية بنصف سانتيم )
7 _ نخلي قطعة من الكارتون المقوى في النهاية اخر شي واكو ناس همين ميخلوهة كلمن وطريقتة بس هية افضل حتى اتحافض على الضغط مال الانفجار بس دير بالك مو تخلي هواية خلي قطعة زغيرة بس حتى تنسد الفتحة
8 - نكبس الفشكة (قبل اشويه جانت ظرف بس هسة أتعبت ) داخل المنكنة (المكبس أو الملزمة ) بلطف حتى تلتف حواف الفشكة وتقفل على بعضها البعض
اكو ناس ميكفيهم هذا الكبس وراهة يستخدمون الجاكوج والبوشة بس ميحتاج ولا تاثر هاي العملية بشي اطلاقا
وبذالك تكون عندنا فشكة ( طلقة ) تعادل فشكة ضغط 34 لمبرادو الامريكية
هاية صورة توضحلكم ترتيب المواد داخل الفشكة البلادية يعني (كرخانة)

وهاي صورة توضحلكم ترتيب المواد داخل الفشكة الشدادة

وهاي صور توضحلكم نوع الكاس المستخدم في بعض انواع العتاد
هذا كاس بلاستيكي


وهذا كارتون عادي
[bigimg][/bigimg]
[bigimg][/bigimg]
و لاحظوا ممخلين كارتون فوق الصجم يعني كلمن وتجربتة وخبرتة
وهاي قياسات الصجم العالمية يعني انتة شنو العتاد الي ترمي لازم تعرف الرقم الكتوب على العتاد شكد ايعادل بالمليم يعني العتاد رقم 9 يعادل 2 مليم قياس الصجم

وهاي الطريقة مجربة وعن خبرة وتدللون

لا اله الا الله
لا تنسونا من صالح الدعاء
منقول

fgr
Admin

عدد المساهمات : 1748
تاريخ التسجيل : 10/01/2011

معاينة صفحة البيانات الشخصي للعضو http://fgr33.hooxs.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


إرسال موضوع جديد   إرسال مساهمة في موضوع
 
صلاحيات هذا المنتدى:
تستطيع الرد على المواضيع في هذا المنتدى